महाराष्ट्र लोकसेवा आयोगाकडून नुकत्याच जाहीर करण्यात आलेल्या एमपीएससीच्या निकालामध्ये पंढरपूर तालुक्यातील तावशी या गावचे भूमिपुत्र असणारे अनुपसिंह अरुण यादव यांची महाराष्ट्रात पाचव्या क्रमांकाने पास होत उपजिल्हाधिकारी पदी निवड करण्यात आली. तावशीसारख्या एका छोट्या गावी आपले प्राथमिक शिक्षण घेऊन पुढे अभियांत्रिकीचे शिक्षण घेत अनुपसिंह यादव यांनी शारजाह येथील पेट्रोलियम कंपनीच्या मुंबई येथील विभागात मोठ्या पगाराची नोकरी मिळवली.
या नोकरीसोबतच त्यांच्याकडे नोकरीच्या अजून चार ऑफर्स होत्या. पण तेवढ्या यशावर न थांबता समाजासाठी काहीतरी करावे या भावनेने त्यांनी नोकरी करत असताना स्पर्धा परीक्षांची तयारी सुरु ठेवली. त्यातून पुढे विक्रीकर निरीक्षक, ए.एस.ओ., असिस्टंट कमिशनर स्टेट टॅक्स इ. पदे मिळवत नुकतेच त्यांनी कठोर परिश्रम आणि चिकाटी च्या जोरावर उपजिल्हाधिकारी हे पद मिळवले. ‘कोणताही खाजगी क्लास/शिकवणी न लावता सातत्य, प्रामाणिकपणा व स्वतःच्या प्रयत्नावर विश्वास ठेवल्याने हे यश मिळाले. तसेच स्वेरीने आज केलेल्या सन्मानाने मी भारावून गेलोय.’ असे मत त्यांनी आपल्या मनोगतात व्यक्त केले. सत्कार समारंभ प्रसंगी अनुपसिंह यादव यांचे वडील अरुण यादव हे ही उपस्थित होते. प्रा. यशपाल खेडकर यांनी या सत्कार समारंभाचे सूत्रसंचालन करून आभार मानले.
0 Comments