जिल्हाधिकारी तथा मंदीर समितीचे अध्यक्ष तुकाराम मुंढे यांनी केली विठ्ठल मंदीराची पहाणी

Pandharpur Live News June 21, 2015

जिल्हाधिकारी तथा मंदीर समितीचे अध्यक्ष तुकाराम मुंढे यांनी आज विठ्ठल-रुक्मिणी मंदीराला भेट देवून मुखदर्शन, दर्शनमंडप,तसेच मंदीरातील विविध ठिकाणची पाहणी करुन माहिती घेतली.

यावेळी ‍ जिल्हाधिकारी तथा मंदीर समितीचे अध्यक्ष श्री.मुंढे यांनी रविवारी दिनांक 21 जून 2015 पासूण आषाढी यात्रे पर्यंत श्रींचे दर्शन भाविकांसाठी 24 तास ख्रुले ठेवण्यात येणार असल्याचे सांगितले तसेच भाविकांच्या सोईसाठी तांत्रिक बाबी तपासूण मोबाईल स्कॅनर लवकरच सुरु करण्यात येणार असल्याचेही त्यांनी यावेळी सांगितले.प्रारंभी जिल्हाधिकारी तथा मंदीर समितीचे अध्यक्ष तुकाराम मुंढे यांनी विठ्ठल-रुक्मिणी मातेचे दर्शन घेतले. यावेळी मंदीर समितीच्या वतीने श्री.मुंढे यांचा सत्कार मंदीर समितीचे कार्यकारी अधिकारी शिवाजी कादबाने यांच्या हस्ते शाल, श्रीफळ व श्रींची प्रतिमा देवून करण्यात आला.याप्रसंगी प्रांतधिकारी संजय तेली]तहसिलदार गजानन गुरव, न.पाचे मुख्यधिकारी शंकर गोरे, मंदीर समितीचे व्यवस्थापक विलास महाजन तसेच समितीचे कर्मचारी उपस्थित होते.