पंढरपूरात बहुजन मुक्ती पार्टीचे जिल्हास्तरीय अधिवेशन संपन्न

Pandharpur Live News August 20, 2017

11 लाख दर्शकांच्या पसंतीस पात्र ठरलेले

पंढरीचे पहिले लोकप्रिय ई-न्युज वेब चॅनल

पंढरपूर Live वर आपल्या व्यवसायाची जाहिरात देणेसाठी

मुख्य संपादक- भगवान वानखेडे संपर्क- 8308838111/8552823399

mail- livepandharpur@gmail.com

कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर

पंढरपूर Live 20 August 2017

बहुजन मुक्ती पार्टीचे जिल्हा अधिवेशन पंढरपूर येथील विठ्ठल इन सभागृहात मोठया उत्साहाने संपन्न झाले.सदर अधिवेशनाची सुरुवात बहुजन महापुरषांच्या प्रतिमेला अभिवादन करुन करण्यात आली.या अधिवेशनाच्या अध्यक्षस्थानी डॉ.अनिलकुमार माने हे होते.तर अधिवेशनाचे उदघाटन सोलापूर जिल्हा वडार समाजाचे नेते राजकुमार धोत्रे यांनी केले.या अधिवेशनास प्रमुख अतिथी म्हणून बहुजन मुक्ती पार्टीचे नेते बाळासाहेब जाधव,जिल्हा अध्यक्ष बबन फडतरे,जिल्हा युवाध्यक्ष महावीर वजाळे,सत्यशोधक वारकरी संघाचे ताई महाराज,महिला जिल्हाध्यक्ष इंदुमती गायकवाड इत्यादी मान्यवरांचे मार्गदर्शन लाभले.

यावेळी अधिवेशनास उपस्थित असलेल्या बहुजन बांधवांना संबोधीत करताना बहुजन मुक्ती पार्टीचे राज्य उपाध्यक्ष डॉ.अनिलकुमार माने यांनी बहुजन समाजातील समस्यांचे मुद्देसुद वास्तव मांडून विश्‍लेषन केले.इव्हीएम,ओवीसी जातवार गणना,मराठा,धनगर,लिंगायत,मुस्लीम आरक्षण,भटकया विमुक्तांसाठी रेणगे आयोगाच्या अंमलबजावणीची आवश्यकता इत्यादी विषयावर मार्गदर्शन केले.यावेळी ते पुढे म्हणाले की,विद्यमान भाजपा सरकार हे घटनात्मक मिळालेले आरक्षण संपुष्टात आणण्यासाठी नवनवीन योजना आखत असून बहुजन समाजातील विद्यार्थ्यांना शिक्षणापासून वंचीत ठेवण्याचे काम करीत आहे.तर ओबीसी प्रवर्गातील जातीच्या दाखल्यापासून वंचीत ठेवण्याचे काम महाराष्ट्र सरकार करीत आहे.त्यामुळे बहुजन चळवळ अधिक मजबूत होण्यासाठी संघटीतपणे प्रयत्न करणे गरजेचे आहे.