पंढरपुरातील मद्यविक्री दुकाने रविवार,सोमवारी बंद

Pandharpur Live News November 17, 2018

पंढरपूर LIVE 17 नोव्हेंबर 2018

सोलापूर, दि. १७ - कार्तिकी एकादशीच्या पार्श्र्वभूमीवर पंढरपूर शहरातील सर्व मद्यविक्रीची दुकाने उद्या , रविवार, १८ आणि सोमवार , १९ नोव्हेंबर २०१८ रोजी बंद राहणार आहेत.

जिल्हाधिकारी डॉ राजेंद्र भोसले यांनी १८ नोव्हेंबर रोजी मद्यविक्री बंद ठेवण्याचे आदेश १४ नोंव्हेंबर रोजीच जारी केले आहेत. त्याचबरोबर महाराष्ट्र विदेशी मद्य विक्री नियम १९६९ नुसार कार्तिकी एकादशीच्या दिवशी राज्यातील सर्व मद्यविक्री दुकाने बंद ठेवण्याची तरतूद आहे. त्यामुळे पंढरपूर शहरात १८ आणि १९ नोव्हेंबर २०१८ रोजी मद्यविक्री बंद राहिल.

डॉ. भोसले यांनी सांगितले की , कार्तिकी एकादशीच्या पार्श्र्वभूमीवर पंढरपुरात लाखो वारकरी येतात. वारीच्या कालावधीत कोणताही अनुचित प्रकार घडू नये यासाठी १८ नोव्हेंबर २०१८ रोजी मद्यविक्री बंदीचे आदेश १४ नोव्हेंबर रोजी देण्यात आले आहेत. त्याचबरोबर महाराष्ट्र विदेशी मद्य नियम १९६९ मधील नियम ९ अनुसार राज्यातील सर्व मद्यविक्री दुकाने २६ जानेवारी (प्रजासत्ताक दिन), ३० जानेवारी (हुतात्मा दिन), एक मे (महाराष्ट्र दिन), आषाढी एकादशी, १५ ऑगस्ट (स्वातंत्र्य दिन), अनंत चतुर्दशी, महात्मा गांधी सप्ताहानिमित्त दोन ऑक्टोबर आणि आठ ऑक्टोबर आणि कार्तिकी एकादशी दिवशी बंद ठेवली जातात.