रविवार दि. ३१ मार्च रोजी पहाटेच्या ५ वाजण्याच्या सुमारास चंद्रभागेच्या पात्रात स्नान करत असताना नदीपात्रातील खड्ड्यांचा अंदाज न आल्याने बुडून बेपत्ता झालेल्या नांदेड जिल्ह्यातील त्या भाविकाचा मृतदेह आज देगाव हद्दीतील नदीपात्रात सापडला.
चंद्रभागेत बुडालेले गोविंद जनार्धन सुवर्णकार (वय 27, रा. देगलूर, जि. नांदेड) या भाविकाचा शोध कोळी समाजातील अनेक तरूण होडी चालकांच्या मदतीने गेली पाच दिवस घेत होते .गेल्या पाच दिवसा पासून मृतदेह न मिळण्याने नातेवाईक अत्यंत हताश झाले होते .
अखेर आज देगांव शिवारातील अमोल पाटील यांच्या शेतालगतच्या नदीपात्रात मृतदेह पाण्यावर तरंगताना आढळून आला. याकामी नगरपरिषदेने एका बोटीची आणि चार कर्मचारी यांची मदत केली गेली होती .नगरपालिका प्रशासन आणि होडी चालवणारे कोळी बांधव गेल्या पाच दिवसांपासून अहोरात्र या भाविकाचा शोध घेत होते. पोलीस घटनास्थळी दाखल झाले असून पंचनामा करण्यात येत आहे.
-------------------------------------------------------
0 Comments