पंढरपूर लाईव्ह ऑनलाईन-
सोलापूरचे भाजप खासदार जयसिद्धेश्वर महाराज अडचणीत आले आहेत. जात पडताळणीत समितीने खासदार जयसिद्धेश्वर महाराज यांचा जातीचा दाखला बनावट असल्याचं म्हणत, त्यांचा जातीचा दाखला रद्द केला, असा दावा तक्रारदार प्रमोद गायकवाड यांनी केला.
त्यांना अधिकाऱ्यांनी फोनवरुन जातीचा दाखला रद्द केल्याची माहिती दिली. त्यामुळे सोलापूर राखीव लोकसभा मतदारसंघाचे भाजपचे खासदार डॉ. जयसिदेश्वर शिवाचार्य महास्वामींची खासदारकीच आता धोक्यात आली आहे.
खासदार जयसिदेश्वर महास्वामींच्या बेड जंगम जात प्रमाणपत्रावरील सुनावणी 15 फेब्रुवारीला पूर्ण झाली होती.
दरम्यान जात पडताळणी समितीने सांगूनही महास्वामींच्या ज्या मूळकागदपत्राबाबत तक्रादाराने आक्षेप घेतला होता, ती कागदपत्रे सादर करण्यात आली नाहीत. त्यामुळे महास्वामीजींची खासदारकी धोक्यात आली आहे.
सोलापूर लोकसभेचे खासदार डॉ जयसिदेश्वर शिवाचार्य यांनी आपल्या उमेदवारी अर्जसोबत दाखल केलेल्या बेड जंगम अर्जावर प्रमोद गायकवाड, मिलिंद मुळे, विनायक कुंदकरे यांनी आक्षेप घेत खासदारकी रद्द करण्याची मागणी केली होती. त्यानुसार जात पडताळणी समितीसमोर सुनावणीची प्रक्रिया पार पडली. 31 जानेवारी आणि एक फेब्रुवारी रोजी झालेल्या सुनावणीत तक्रारदारांनी आक्षेप घेतलेल्या मूळ कागदपत्रे सादर करण्याचे आदेश समितीने दिले होते.
मात्र 15 फेब्रुवारीला झालेल्या सुनावणीत ती कागदपत्रे सादर करण्यात आली नाहीत, त्यामुळे खासदारांची खासदारकी धोक्यात आल्याचा दावा तक्रारदारांनी केला होता.
तर इकडे डॉ . जयसिदेश्वर महास्वामींच्या जातीच्या दाखल्यासंर्भात उच्च न्यायालयात याचिका दाखल करत असताना, मूळ कागदपत्रे जोडली आहेत, त्यामुळे जात पडताळणी समितीसमोर सादर करता आली नसल्याचं सांगत, दक्षता पथकाने नोंदवलेल्या अहवालावर आक्षेप घेत नवे पथक नियुक्त होऊन पुराव्याची पुनर पडताळणी करण्याची मागणी केली आहे.
दोघांनी आपल्या आपल्या बाजूने आपली बाजू मांडली असली तरी जात पडताळीनी समितीने आपला निकाल राखून ठेवला होता. याबाबतचा निकाल लवकरच तक्रादाराना पोष्टाने कळविण्यात येणार असल्याचं सांगण्यात आलं होतं. त्यामुळे आता डॉ. जयसिदेश्वर शिवाचार्यांची खासदारकीच धोक्यात आली आहे.
डॉ. महास्वामी जाणार उच्च न्यायालयात
सोलापुरातील जात पडताळणी समितीने घेतलेल्या निर्णयाविरुध्द खासदार डॉ. जयसिध्देश्‍वर महास्वामी उच्च न्यायालयात दाद मागणार आहेत. जोडलेली कागदपत्रे व जात वैधता प्रमाणपत्र बनावट नसल्याबाबत ते याचिका दाखल करणार असल्याचे त्यांच्या वकिलांनी यापूर्वीच स्पष्ट केले आहे. दरम्यान, कायद्याचा आधार घेवून निकाल दिला आहे, परंतु ज्यांना निकाल मान्य नसेल ते न्यायालयातून दाद मागू शकतात, असे जात पडताळणी समितीने स्पष्ट केले आहे.
सोलापुरचे खासदार डॉ. जयसिध्देश्‍वर महास्वामी यांच्या जात वैधता प्रमाणपत्रावर प्रमोद गायकवाड यांच्यासह अन्य दोघांनी आक्षेप घेतला होता. त्यानुसार डॉ. महास्वामी यांनी दिलेल्या पुराव्यांची शहानिशा दक्षता पथकाद्वारे करण्यात आली. त्यावर अंतिम सुनावणी पार पडली असून समितीतर्फे आज दोन्ही बाजूच्या पक्षकारांच्या हाती निकाल सोपविला जाणार आहे - ज्ञानदेव सुळ, अध्यक्ष, जात पडताळणी समिती, सोलापूर
सोलापूर लोकसभा निवडणूक
डॉ. जयसिद्धेश्वर शिवाचार्य महास्वामी हे सोलापूर राखीव लोकसभा मतदारसंघातील भाजप खासदार आहेत. काँग्रेसचे ज्येष्ठ नेते सुशीलकुमार शिंदे आणि वंचित बहुजन आघाडीचे अध्यक्ष प्रकाश आंबेडकर या दोघांनाही महास्वामींनी पराभवाची धूळ चारली होती. जवळपास दीड लाखांपेक्षा जास्त मताधिक्य मिळवत ते 'जायंट किलर' ठरले होते.
0 Comments