‘जनधन’ वेबसाईट सुरू झाली...

                नवी दिल्ली ः पंतप्रधान जन-धन योजनेशी संबंधित सर्व माहिती देणाऱ्या वेबसाइट सुरू करण्यात आली आहे. www.pmjdy.gov.in या वेबसाइटवर इंग्रजी आणि हिंदी भाषेमध्ये संबंधित माहिती उपलब्ध आहे. योजनेशी संबंधित केंद्र, राज्य आणि जिल्हास्तरीय संचालक, ही योजना राबविणारे नोडल ऑफिसर यांचे संपर्क क्रमांक, या बाबतच्या घटनांची माहिती, नव्याने प्रसिद्ध केलेली पत्रके, फेसबुक, ट्विटरवरील योजनेशी संबंधित लिंकही या वेबसाइटवर देण्यात आल्या आहेत. 
                      बँकेनुसार तसेच राज्यानुसार खाते उघडण्याचा हिंदी आणि इंग्रजीतील अर्ज, खाते उघडण्यासंबंधीच्या प्रगतीचे अहवाल, देण्यात आलेल्या रूपे कार्डबद्दलची माहिती वेबसईटवर उपलब्ध आहे. वेबसाईटवर उपलब्ध असलेल्या राष्ट्रीय तसेच राज्यस्तरीय टोल फ्री फोन क्रमांकाचा वापरही नागरिक करू शकतील.