होळीचा व रंगपंचमीचा आनंद घेताना जरा जपून..!

Pandharpur Live News March 04, 2015

पंढरपूर लाईव्ह

बुधवार दि.4 मार्च 2015

होळी व रंगपंचमी या दोन्ही सणाला भारतीय आणि महाराष्ट्रीयन संस्कृतीत अत्यंत अनन्यसाधारण महत्व आहे. या दिवशी प्रत्येक जण आपल्या जीवनातील सुख-दु:खं आणि ताण-तणाव विसरुन मुक्त हस्ताने एकमेकांवर मुक्त हस्ताने वेगवेगळ्या सप्तरंगांची उधळण करत असताना आढळतात. दंग होऊन जातात. मात्र समाजातील अपप्रवृत्तींच्या हालचालीवर लक्ष ठेवणे, घरातील आजारी व वयस्कांची काळजी घेणे, मुलांकडे लक्ष ठेवणे, वेगवेगळ्या प्ल्यूच्या साथीचे आजार हल्ली पसरत आहेत याबाबत स्वत:च्या आरोग्याची काळजी घेणे आदी गोष्टींकडे कानाडोळा करुन चालणार नाही.

समाजातील कांही अपप्रवृत्तींकडून अशा सणासुदीच्या काळात आपल्या बेसावधपणाचा गैरफायदा घेऊन कांही अपप्रकार करण्याचा प्रयत्नही होऊ शकतो. त्यामुळे आनंद साजरा करताना गाफील राहु नका. तसेच बाजारात हल्ली अनेक अपायाकारक रंग विक्रीला येत असतात. अशा शरिराला घातक असणार्‍या रंगांपासून दुर रहावे. लहान मुलांना एकाकी सोडू नये. तसेच घरातील वृध्द व आजारी व्यक्तींची काळजी घेणेही तेवढेवच आवश्यक आहे.

होळीत इमारतीच्या गच्चीवरून पाण्याचे फुगे आणि पिशव्या मारल्या जातात असे करु नये. यामुळे डोळ्यांना इजा होऊ शकतात. होळी आणि रंगपंचमीच्या दिवशी गच्चीला कुलुप ठोका किंवा तिथून फुग्यांचा मारा होणार नाही, याची काळजी घ्या, पोलिसांनी ही याबाबत योग्य त्या उपाययोजना केलेल्या आहेत. तसंच रंग विक्रेत्यांनाही नोटीसा बजावण्यात आल्या असून आरोग्यास हानिकारक रसायनयुक्त रंग आणि फुगे तसंच प्लॅस्टिक पिशव्यांची विक्री थांबवण्याचे आदेश पोलिसांनी दिलेच असतील. मात्र आपणही सजग रहाणं महत्वाचं आहे. कुठे कांही अपप्रकार आढळून आल्यास त्वरीत पोलिसांशी संपर्क साधावा.
पंढरपूर लाईव्ह कडून सर्वांना होळीच्या व रंगपंचमीच्या सप्तरंगी शुभेच्छा...!