पंढरपूर येथे जागतिक मानसिक आरोग्य दिन साजरा

पंढरपूर लाईव्ह वृत्त:-  पंढरपूर दि.16 ऑक्टोबर 2015

पंढरपूर - येथील पंढरपूर तालुका विधी व सहाय्य समिती आणि पंढरपूर बार असोसिएशन यांच्या संयुक्त विद्यमाने जागतिक मानसिक आरोग्य दिनाचे औचित्य साधून येथील मानसोपचार तज्ज्ञ डॉ.विनायक राऊत यांनी ताण-तणाव नियमन व वेळेचे व्यवस्थापन याविषयी विशेष मार्गदर्शन केले.

                     यावेळी बोलताना डॉ.विनायक राऊत म्हणाले   की, ‘‘आजच्या एकवीसाव्या शतकातील स्पर्धेच्या  युगात प्रत्येकाचे जीवन धावपळीचे व धकाधकीचे झालेले असल्याने बहुतांश लोकांचे जीवन तणावग्रस्त झालेले आहे. त्यामुळे त्यांच्या सामाजिक, शारीरिक, मानसिक व प्रापंचिक जीवनावर प्रत्यक्ष

अप्रत्यक्ष परिणाम होतो. हे परिणाम टाळण्यासाठी प्रत्येकाने ताणतणावाचे नियमन करणे गरजेचे आहे.’’
यावेळी कार्यक्रमाचे औचित्य साधून ज्येष्ठ विधिज्ञ भारत बहिरट यांनी कायदेविषयक साक्षरतेची गरज या विषयाचे विवेचन केले. या कार्यक्रमाच्या अध्यक्षस्थानी जिल्हा व सत्र न्यायाधीश पी.जी.पाटील होते.
                     सदर कार्यक्रमास पंढरपूर येथील सिव्हील जज्ज शिरसाळकर , डी.व्ही.गौरगौड , सुपेकर , जी.एम. माने , माळी  जमादार मॅडम, विधी व सहाय्य समितीचे रेपाळ  उपस्थित होते. तसेच बार असोसिएशन पंढरपूरचे बहुंताश सदस्य व पक्षकार उपस्थित होते. कार्यक्रमाचे आभार प्रदर्शन ज्यु.डी.सौ.यादव मॅडम यांनी मानले. डॉ.विनायक राऊत आणि अ‍ॅड.भारत बहिरट यांच्या व्याख्यानामुळे वकील आणि पक्षकार यांनी समाधान व्यक्त केले.

           

______