पुण्यातील वाद..!! गणेशोत्सव सुरूवात कोणी केली? लोकमान्य टिळक आणि भाऊ रंगारी समर्थक आमने-सामने

पंढरीचे पहिले लोकप्रिय ई-न्युज वेब चॅनल व 

Android Application 

 सर्वात जलद, सर्वात लोकप्रिय! पंढरपूर Live

मुख्य संपादक- भगवान वानखेडे संपर्क- 8308838111/8552823399

mail- livepandharpur@gmail.com

कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर

पंढरपूर Live 16  August 2017 

पुणे : सार्वजनिक गणेशोत्सवाच्या शतकोत्तर रौप्य महोत्सवी वर्षानिमित्ताने पुण्यात गणेशोत्सवाची सुरुवात नक्की कोणी केली याचा वाद उफाळून आला आहे. या वादातून पुणे महापालिकेने उत्सवासाठी तयार केलेला लोगो बदलण्याची वेळ आली. 

लोकमान्य टिळक विरुद्ध भाऊ रंगारी असा वाद पुण्यात पुन्हा एकदा सुरु झाला आहे. सार्वजनिक गणेशोत्सवाला यंदा 125 वर्ष पूर्ण होत आहेत. त्यानिमित्तानं पुणे महापालिकेनं जंगी कार्यक्रमाचं आयोजनही केलं आहे. या कार्यक्रमाच्या लोगोवरुन  वादाला तोंड फुटलं आहे.

यंदा पालिकेच्या लोगोमध्ये ना लोकमान्य टिळकांचा फोटो आहे ना भाऊ रंगारींचा. मात्र पालिकेच्या कार्यक्रमात भाऊ रंगारींचा फोटो लावा अशी मागणी रंगारी मंडळाकडून सुरु झाली आहे.

पहिला गणपती कुणी बसवला या वादाला खरं तर मागील वर्षीच सुरुवात झाली होती. भाऊसाहेब रंगारींनी 1892 साली पुण्यात पहिला सार्वजनिक गणपती बसवला. 1893 साली भाऊ रंगारींसोबत कृष्णाजी खासगीवाले आणि गणपतराव घोटवडेकर यांनीही त्यांच्या परिसरात सार्वजनिक गणपती बसवण्यास सुरुवात केली.

लोकमान्य टिळकांनी या उपक्रमाचं केसरीमध्ये अग्रलेख लिहून अभिनंदन केलं. 1894 साली लोकमान्य टिळकांनी स्वत: राहात असलेल्या विंचुरकर वाड्यात गणेशोत्सव साजरा करण्यास सुरुवात केली, असा भाऊसाहेब रंगारी मंडळाचा दावा आहे.

दुसरीकडे लोकमान्य टिळकांचे चरित्रकार डॉ. सदानंद मोरे यांनी मात्र टिळकांमुळेच गणेशोत्सव खऱ्या अर्थाने सार्वजनिक झाल्याचा दावा केला आहे.

गणेशोत्सवाची सुरुवात टिळकांनी केली असो किंवा भाऊसाहेब रंगारींनी त्यांचा उद्देश होता तो देशात ऐक्य प्रस्थापित करण्याचा. पण त्यांच्या अनुयायांकडून सध्या ज्या पद्धतीनं वाद घातला जातोय. त्यामुळे या महारुषांच्या एकतेच्या शिकवणीलाच हारताळ फासला जात आहे का? हा प्रश्न सर्वसामान्यांना पडू लागला आहे.

पंढरीचे पहिले लोकप्रिय ई-न्युज वेब चॅनल व अ‍ॅन्ड्रॉईड अ‍ॅप.. !

सर्वात जलद, सर्वात लोकप्रिय!

पंढरपूर Live वर आपल्या व्यवसायाची जाहिरात द्या..अल्पदरात!!

कार्यालय:- कालिका देवी मंदिरा जवळ, संत रोहिदास चौक,
पंढरपूर गोपाळपूर रोड, तालुका क्रीडा कार्यालयासमोर, पंढरपूर

मुख्य संपादक-भगवान वानखेडे संपर्क- 8308838111