सिंहगड अभियांत्रिकी मधील विद्युत विभागात तीन दिवशीय कार्यशाळा संपन्न

Pandharpur Live News September 28, 2018

पंढरपूर LIVE 28 सप्टेंबर 2018

     पंढरपूर (प्रतिनिधी) कोर्टी (ता. पंढरपूर) येथील एस. के. एन. सिंहगड कॉलेज ऑफ इंजिनीअरिंग महाविद्यालयातील विद्युत विभागात द्वितीय वर्षात शिक्षण घेत असलेल्या विद्यार्थ्यांसाठी दिनांक २१ सप्टेंबर ते २३ सप्टेंबर या कालवधीत तीन दिवशीय कार्यशाळा मोठ्या आनंदी व उत्साही वातावरणात संपन्न झाला असल्याची माहिती महाविद्यालयाचे प्राचार्य डॉ. कैलाश करांडे यांनी दिली.

      या कार्यक्रमाचे उद्घाटन महाविद्यालयाचे प्राचार्य डॉ. कैलाश करांडे, प्रा. धनश्री चांगत, प्रा. उमेश चट्टे,आदी मान्यवरांच्या हस्ते विद्येची आराध्यदैवत असलेल्या सरस्वतीच्या प्रतिमेचे पूजन व दीपप्रज्वलन करून करण्यात आले.

या कार्यशाळेत “मॅटलॅब अँप्लिकेशन्स इन इलेक्ट्रीकल इंजिनिअरींग” या विषावर दिनांक २१ सप्टेंबर ते २३ सप्टेंबर या कालवधीत तीन दिवशीय कार्यशाळा आयोजित केली होती. या कार्यशाळेत बोलताना प्रा. धनश्री चांगत म्हणाल्या, सॉफ्टवेअर वापरताना खूप काळजी घ्यावी लागते. सॉफ्टवेअरचा वापर सर्किट सोडविण्यासाठी केला जातो. विद्युत विभागामध्ये वेगवेगळ्या विषयांच्या येणाऱ्या अडचणी सोडविण्यासाठी उपयोग होत आहे. विद्यार्थ्याना मार्केट मध्ये उपलब्ध असणाऱ्या सॉफ्टवेअर पेक्षा अधिक प्रमाणात याचा कसा वापर केला जातो तसेच मॅटलॅब, मॅटलॅब प्रोग्रामिंग, सिमुलींक, व मॅटलॅब असणाऱ्या विविध स्क्रिप्टची माहिती प्रा. धनश्री चांगत यांनी दिली. या कार्यशाळेमुळे विद्यार्थ्याच्या सॉफ्टवेअर ज्ञानामध्ये अधिक भर निर्माण होणार आहे. या कार्यशाळेतून मिळालेल्या ज्ञानातून विद्यार्थ्याना जगातील नामांकित कंपनीत निवड होण्यासाठी मदत होईल असे मत विद्युत विभाग प्रमुखप्रा. श्रीनिवास गंजेवार यांनी व्यक्त केले.

     या कार्यशाळेत विद्युत विभागातील द्वितीय वर्षातील ६०० हून अधिक विद्यार्थ्यानी सहभाग घेतला होता.  या कार्यशाळेचे प्रास्ताविक, सूत्रसंचालन व आभार प्रदर्शन प्रा. प्रा. उमेश चट्टे यांनी केले.