पंढरपूर सिंहगड च्या सौरभ मोहोळकरची आंतरराष्ट्रीय स्पर्धेसाठी निवड

Pandharpur Live News November 27, 2018

पंढरपूर LIVE 27 नोव्हेंबर 2018

स्टुंडंट ऑलिम्पिक खेळामध्ये सिंहगडचा

विद्यार्थी ठरला दुसऱ्यांदा मानकरी

पंढरपूर (प्रतिनिधी) कोर्टी (ता. पंढरपूर) येथील एस. के. एन. सिंहगड कॉलेज ऑफ इंजिनीअरिंग महाविद्यालयातील मेकॅनिकल इंजिनिअरिंग विभागातील चतुर्थ वर्षात अभियांत्रिकीचे शिक्षण घेत असलेला सौरभ प्रसन्न मोहोळकर या विद्यार्थ्यांने स्टुंडंट ऑलिम्पिक खेळामध्ये गोल्ड मेडल व ब्राँझ मेडल (कांस्यपदक) मिळवून मलेशिया येथे होणाऱ्या आंतरराष्ट्रीय स्पर्धेसाठी पंढरपूर सिंहगड च्या सौरभ प्रसन्न मोहोळकर यांची निवड झाली असल्याची माहिती महाविद्यालयाचे प्राचार्य डॉ. कैलाश करांडे यांनी दिली.

"स्टुंडंट ऑलिम्पिक असोसिएशन” आयोजित २३ ते २६ नोव्हेंबर २०१८ या कालवधीत गोधरा, गुजरात येथे आयोजित करण्यात आलेल्या स्टुंडंट ऑलिम्पिक राष्ट्रीय पातळीवरील बॅडमिंटन खेळामध्ये सौरभ प्रसन्न मोहोळकर यांनी सुवर्ण पदक पटकाविले आहे. हि स्पर्धा गोधरा, गुजरात मध्ये घेण्यात होती. ऑलिम्पिक स्पर्धेत भारतातील विविध राज्यातील खेळाडूसाठी "स्टुंडंट ऑलिम्पिक असोसिएशन” यांच्या वतीने बॅडमिंटनच्या स्पर्धा आयोजित केल्या होत्या. या स्पर्धेत पंढरपूर सिंहगड कॉलेज ऑफ इंजिनिअरींग महाविद्यालयातील सौरभ प्रसन्न मोहोळकर यांनी विविध राज्यातून आलेल्या २०० हुन अधिक स्पर्धकामधून २५ वर्षे वयोगटातील दुहेरी मध्ये राष्ट्रीय कामगिरी करून गोल्ड मेडल व ब्राँझ मेडल (कांस्यपदक) मिळविण्याचा मान मिळविला आहे.

यापूर्वी सौरभ प्रसन्न मोहोळकर यांनी विविध देशातून आलेल्या ६०० हुन अधिक स्पर्धकामधून २२ वर्षे वयोगटातील दुहेरी मध्ये आंतरराष्ट्रीय कामगिरी करून गोल्ड मेडल व ब्राँझ मेडल (कांस्यपदक) मिळविले आहे. अभियांत्रिकीचे शिक्षण घेत असताना सर्वाधिक गोल्ड मेडल मिळवून कौतुकास्पद कामगिरी केल्याबद्दल वडील प्रसन्न नारायण मोहोळकर, आई माधवी प्रसन्न मोहोळकर, बॅडमिंटन खेळाचे शिक्षक प्रा. तुषार मुळे, प्राचार्य डॉ. कैलाश करांडे सह पंढरपूर सिंहगड महाविद्यालयातील सर्व शिक्षक व शिक्षकेत्तर कर्मचाऱ्यांनी अभिनंदन केले.