पंढरपूर तालुक्यातील जप्त केलेल्या अवैध वाळु साठ्याचा बुधवारी होणार लिलाव... प्रांताधिकारी ढोले यांची माहिती

Pandharpur Live News December 01, 2018

पंढरपूर LIVE 1 डिसेंबर 2018

पंढरपूर, दि. 01 :- तालुक्यात जप्त केलेल्या अवैध वाळू साठ्याचा लिलाव बुधवार दिनांक 05 डिसेंबर 2018रोजी दुपारी 12.00 वाजता उपविभागीय अधिकारी कार्यालय, पंढरपूर येथे आयोजित केला असल्याची माहितीउपविभागीय अधिकारी सचिन ढोले यांनी दिली.

तालुक्यात महसूल प्रशासनाने अवैध वाळू साठे व वाळू वाहतुकीवर केलेल्या कारवाईत सुमारे 200.96 ब्रास वाळू जप्त केली असून, हा वाळू साठा शासकीय धान्य गोदाम, पंढरपूर येथील आवारात ठेवण्यात आला आहे. या ठिकाणच्या वाळू साठ्याची किंमत सुमारे 14 लाख 6 हजार 720 रुपये इतकी आहे. ज्या कोणास वाळू लिलावात भाग घ्यावावयाचा अशा व्यक्तींनी संबधीत ठिकाणच्या वाळू साठ्याची पाहणी करावी. तसेच लिलावात भाग घेण्यासाठी दिनांक 04 डिसेंबर 2018 रोजी सायंकाळी 5.00 वाजेपर्यंत लेखी अर्ज उपविभागीय अधिकारी पंढरपूर विभाग पंढरपूर यांच्याकडे सादर करावेत असेही उपविभागीय अधिकारी ढोले यांनी सांगितले.

सदर लिलावात सर्वोत्तम बोलीची रक्कम लावलेल्या लिलावधारकाने संपूर्ण रक्कम तात्काळ त्याच दिवशी शासकीय खजिन्यात चलनाव्दारे जमा करावी. लिलावधारकाने लिलावाची रक्कम भरल्यानंतर स्वत:कडील वाहनाव्दारे संबधीत ठिकाणावरुन वाळू घेवून जावी. लिलावात भाग घेण्या-या व्यक्तींनी नमुद ठिकाणी वेळेत उपस्थित रहावे असे आवाहनही उपविभागीय अधिकारी सचिन ढोले यांनी केले आहे.