तिसऱ्यांदा विष्णूदेव

                        टीव्ही मालिकेतले कलाकार शक्यतो वेगवेगळ्या भूमिका साकारायला मिळाव्या यासाठी प्रयत्न करत असतात. पण काहींच्या नशिबात मात्र त्याच त्याच भूमिका सतत येत असतात. याचं उत्तम उदाहरण म्हणजे सौरभ राज जैन. एकदा नाही दोनदा नाही तर तब्बल तिसऱ्यांदा सौरभ विष्णूदेवांची भूमिका साकारणार आहे. 'जय श्रीकृष्ण' मालिकेत त्याने पहिल्यांदा विष्णूदेव साकारले होते. त्यानंतर 'देवोंके देव महादेव'मध्येही त्याने विष्णूंदेवांचीच भूमिका साकारली होती. 
                     आता विष्णूलीलेवर आधारित एका आगामी मालिकेत तो पुन्हा विष्णूदेवांची भूमिका साकारण्यासाठी सज्ज आहे. 'खुद्द देवाचीच इच्छा असावी की मी त्यांची भूमिका साकारावी. म्हणून कदाचित माझ्याच नशिबात ही भूमिका येत आवी.' असं सौरभ म्हणतो. 'महाभारत' या स्टार प्लसच्या मालिकेत त्याने कृष्णाची भूमिका साकारली होती. आतापर्यंत फक्त पौराणिक भूमिका साकारल्या असल्या तरी कायम या भूमिकांमध्ये अडकून न राहण्याचं सौरभने स्पष्ट सांगितलं आहे. सौरभला लवकरच वेगळ्या प्रकारच्या भूमिका मिळाव्या यासाठी शुभेच्छा!