पंढरपूर लाईव्ह:- पंढरपूर येथील अल्पावधीत लोकप्रिय झालेले लावणीकार रविराज सोनार यांचे दोन लावणीसंग्रह आत्ता एका क्लीकसरशी जगभरात कोठेही संगणक, मोबाईल अथवा टॅबवर बुकस्वरुपात वाचावयास मिळणार आहेत.
भारतातील अग्रगण्य अशा फ्यूजीसॉप्ट या सॉप्टवेअरने जगभरातील मराठी, हिंदी व इंग्रजी भाषेच्या साहित्य रसिकांना वेगवेगळ्या साहित्यीकांची वेगवेगळ्या प्रकारची निरनिराळ्या प्रकारची पुस्तके वाचावयाला उपलब्ध करुन देण्यासाठी ऑनलाईन डिजीटल लायब्ररी सुरु केली आहे. या लायब्ररीमध्ये महाराष्ट्रातील निवडक अशी मराठी, हिंदी व इंग्रजी अशी सुमारे 900 पुस्तके अपलोड करण्यात आली असून त्यामध्ये पंढरपूरचे साहित्यीक व शब्दांकुर साहित्य अकादमीचे संस्थापक अध्यक्ष लावणीकार रवीराज सोनार यांच्या रंगमहाल व विषय सुखाचा सुवर्णक्षण या 2 बहूचर्चित व बहुश्रूत लावणीसंग्रहाचा समावेश करण्यात आला आहे. त्यामुळे जगभरातील मराठी साहित्य रसीक तसेच लावणीप्रेमी यांना एका क्लीकसरशी रविराज सोनार यांच्या बहुरंगी व बहुढंगी लावण्या www.sahityasampda.com या संकेतस्थळावर वाचता येणार आहेत.
फ्यूजीसॉप्ट या सॉप्टवेअरच्या या ऑनलाईन डिजीटल लायब्रेरीच्या उपक्रमात रविराज सोनार यांना बहुमान मिळाल्याने साहित्यक्षेत्रातील जाणकारांकडून त्यांचे अभिनंदन केले जात आहे.
livepandharpur@gmail.com jhanjavat@gmail.com
-----------------------------------------------------------------------------------------------------------------------
0 Comments