पंढरपूर तालुक्यातील शेतकर्‍याची कर्जबाजारीपणाला कंटाळून आत्महत्या

पंढरपूर लाईव्ह

पंढरपूर दि. 17 जानेवारी 2015

कर्जबाजारीपणाला कंटाळून तपकीरी शेटफळ (ता.पंढरपूर, जि.सोलापूर) येथील ज्ञानेश्‍वर महादेव कोळी  (वय-50) या शेतकर्‍याने विषारी औषध पिऊन आत्महत्या केल्याची दुर्दैवी घटना आज दुपारी चार च्या सुमारास  घडली. 

मृत कोळी हे अल्पभुधारक शेतकरी होते. गेल्या दोन वर्षापासून निसर्गाने साथ न दिल्याने  लागवडीचा खर्च देखील निघत नसल्याने कोळी चिंतीत होते. बँकेचे सात ते आठ लाख रुपयांचे कर्ज कसे फेडायचे या विवंचनेत त्यांनी आज दुपारी विषारी औषध प्राशन केले. पंढरपूरकडे उपचारासाठी नेत असताना वाटेतच त्यांचा करुण अंत झाला.

पंढरपूर तालुक्यातील या घटनेतून हेच सिध्द होते की, सततच्या दुष्काळा मुळे कधी नव्हे तो यंदा पश्‍चिम महाराष्ट्रातील शेतकरीही हैरान झालेला आहे. दुबार पेरण्या करुनही हाता काहीच लागलेले नसल्याने शेतकर्‍यांच्या दु:खात भर पडलेली आहे. अवकाळी पाऊस, गारपीट अशा एकापाठोपाठ आलेल्या आस्मानी संकटापुढे शेतकरी हतबल झालेला आहे. प्रसंगी कर्ज काढून बी-बियाणे-खते-औषधे विकत आणायची... रात्रंदिवस ऊन्ह वार्‍याची पर्वा न करता रक्ताचं पाणी करुन शेतात राबायचं... आणि एवढं करुनही हाताला घामाचा दाम मिळण्याऐवजी कर्जाचं ओझं डोक्यावर वाढलेलं पाहून शेतकरी हताश झालेला आहे. अशा परिस्थितीत शेतकर्‍यांना आधार देणं हे शासनाचं कर्तव्य आहे. प्रशासनाने या गोष्टीची गंभीर  दखल घेत शेतकर्‍यांना दिलासा मिळेल यासाठी आवश्यक ती पावले तत्परतेने उचलणे अत्यावश्यक बनले आहे.

..................................................

"पंढरपूर लाईव्ह ई-न्यूज वेब पोर्टल" च्या वाचकांची संख्या 17 जानेवारी 2015 रोजी  43,977 एवढी आहे... "पंढरपूर लाईव्ह" हे अँन्ड्राँईड अँप सुरू करून अवघा एक महिना झाला.... याच्या विविध वैशिष्टयांमुळे आत्तापर्यंत   17 जानेवारी 2015 रोजी तब्बल 2736 अँन्ड्राँईड मोबाईलधारकांनी हे अँप आपल्या मोबाईलमध्ये घेतले ...  या सर्वांचे अभिनंदन आणि आभार..!.

पंढरपूर लाईव्ह चे अँन्ड्राँईड अँप ची सेवा मोफत असून विविध ताज्या बातम्या, रेल्वे वेळापत्रक, श्री विठ्ठल रूक्मिणी चे आँनलाईन दर्शन, पंढरपूर व सोलापूर मधील विविध शासकीय कार्यालयीन क्रमांक, वधुवर सुचक, पंढरपूरमधील व्यावसायीक व आणखी बरेच काही यामध्ये आपणास पहायला मिळेल....

पंढरपूर लाईव्ह चे अँन्ड्राँईड अँप एकवेळ अवश्य पहा

                    ज्यांनी अजूनही हे अँप आपल्या मोबाईलमध्ये घेतले नाही त्यांनी खालील लिंक वर क्लीक करून गुगल प्ले स्टोअरमधून ते घ्यावे... ही नम्र विनंती.

http://market.android.com/search?q=pname%3Acom.wPandharpurLive

  आपला :-- भगवान गणपतराव वानखेडे (संपादक) 

   आपल्या बातम्या लेख/साहित्य - माहिती व जाहिराती प्रसिध्दीस द्यावयाची असल्यास अवश्य संपर्क साधावा...

 मोबा. नं.  8055434499  /  8308838111

 ई-मेल:-  jhanjavat@gmail.com     livepandharpur@gmail.com

..........................