संगणक शिक्षकांच्या समस्या वाढल्या... अन्याय दुर करण्याची मागणी

पंढरपूर लाईव्ह- 28 फेब्रुवारी 2015

आसीटी योजनेअंतर्गत शासकीय धोरण राबविले गेले. राज्यातील अनेक शाळेत आठ संगणक शिक्षक नेमण्यात आले मात्र या शिक्षकांना दरमहा समान वेतन देणे व इतर बाबीमध्ये तफावत आढळत असुम अन्याय होत असणार्‍या संगणक शिक्षकांना न्याय मिळावा अशी मागणी होत आहे.

राज्यातील संगणक शिक्षकांवर कंत्राटी पध्दतीने या शिक्षकांची नेमणूक करणार्‍या कंपन्याकडून अशा प्रकारचा अन्याय होत असून हा अन्याय दुर व्हावा अशी मागणी शिक्षक संघटनेचे सचिव जीवन सुरुडे यांनी
केंद्र सरकारने इयत्ता पाचवी ते बारावीपर्यंतच्या विद्यार्थ्यांना संगणक शिक्षण देण्याची योजना सहा वर्षापूर्वी सुरु केली. त्यांची कंत्राटे विविध कंपन्यास देण्यात आली. कंपन्यांच्या वतीने कंत्राटी पध्दतीने राज्यात आठ हजाराहून अधिक संगणक शिक्षक नेमण्यात आले. त्यांना समान वेतन देणे, भविष्य निर्वाह निधी कपात करणे, वेतन चिठ्ठी देणे बंधनकारक असतानाही कंपन्यांनी त्यांचे कायदेशीर उल्लंघन केले, असा आरोपही त्यांनी केला. संगणक शिक्षकांना सेवेत कायम करावे, संगणक शिक्षकांच्या वेतनातील फरक द्यावा, भविष्य निर्वाह निधी जमा करावा, जिल्हा शिक्षण अधिकार्‍यांकडे नियंत्रण द्यावे आदी मागण्याही करण्यात आल्या आहेत.

शालेय सचिवांकडे केली आहे.

संगणक शिक्षक- काळाची गरज

राज्य शासनाने 2013-14 या वर्षात राज्यातील 5 हजार माध्यमिक व उच्च माध्यमिक शाळामध्ये बूट मॉडेल (बिल्टॉन ऑपरेट अँण्ड ट्रान्सफर) पध्दतीने पाच वर्षासाठी आय.सी.टी. टप्पा तिसरी योजना हाती घेतली. सोलापूर जिल्हयात 800 आसपास माध्यमिक शाळा आहे. तसेच विज्ञान विभाग असलेल्या 22 महाविद्यालचे जिल्हयात आहेत. त्यापैकी तिसर्‍या टप्प्याचा अखेर 33 शाळा तसेच महाविद्यालये संगणकीय प्रयोगशाळांनी सुसज्ज झाले असून उर्वरित शाळांना चौथ्या टप्प्यात ही योजना राबविण्यात येणार असून पाच वर्षात संपूर्ण संगणकीय प्रयोगशाळा निर्माण झालेल्या आढळतील. या योजनेंतर्गत प्रत्येक संगणक प्रयोग शाळेसाठी पूर्णवेळ प्रशिक्षित निदेशक, प्रयोग शाळा कार्यान्वित करण्यासाठी होणारा सर्व खर्च, विद्युत, इंटरनेट, स्टेशनरीसाठीचा खर्च शासनाकडून भागविला जात आहे. या शाळेचा लाभ इयत्ता पाचवी ते बारावीपर्यंतच्या विद्यार्थ्यांना मिळणार आहे. दररोज किती विद्यार्थी, शिक्षक यांना किती वेळा लाभ झाला याची माहिती ठेवावी लागणार असल्याने एकही विद्यार्थी या संगणक प्रयोग शाळेत गेल्याशिवाय राहणार नाही. म्हणजेच संगणक शिक्षक ही काळाची खरी गरज आहे... एवढे मात्र निश्‍चित.