पंढरीत शिवजयंती निमित्त अनेक कार्यक्रम
युवक मराठा महासंघ व युवा गर्जना ग्रुप कडून आयोजन
पंढरपूर लाईव्ह (श्रीराम आतकरे यांजकडून):-
पंढरपूर येथे शिवजयंती च्या निमित्ताने अनेक कार्यक्रम होणार असून या सर्व कार्यक्रमांचे आयोजन येथील युवक मराठा महासंघ व युवा गर्जना ग्रुप यांचेकडून केले आहे. युवक मराठा महासंघाच्या वतीने आज दि. 19-2-2015 रोजी सकाळी 9:30 वाजता भव्य मिरवणूक निघणार असून यानंतर छत्रपती शिवरायांच्या मुर्तीचे पुजन करण्यात येणार आहे. यावेळी महासंघाच्या वतीने शिवजयंती चे हे प्रथम वर्ष असून शिवप्रेमींच्या उत्साहाला उधान आलेले आहे.
यासाठी युवक मराठा महासंघाचे तालुकाध्यक्ष सुमित शिंदे यांचे मार्गदर्शन मोलाचे ठरले आहे. त्यांनी स्वत: यासाठी बहुमोल योगदान दिलेले आहे. ही शिवजयंती लोकवर्गणीतून न करता त्यांनी स्वत: यासाठीच्या सर्व खर्चासाठी निधी दिला आहे.
आज सायंकाळी 5 वाजता पंढरपूर येथे मंदिर परिसर, नामदेव पायरी परिसरातून भव्य मिरवणुक निघणार असून त्यामध्ये मोठ्या संख्येने शिवभक्तांनी उपस्थित रहावे असे आवाहन तालुकाध्यक्ष सुमित शिंदे यांनी केले आहे. यासाठी सचिन अभंगराव, सुनिल शिंदे, अमित पाठक, संतोष डोंबे, चेतन सावंत, अणिजित बेळगावकर, पप्पू काळे, ओंकार पवार, किरण कोळी, अप्पा मस्के, अरविंद शिंदे आदी परिश्रम घेत आहेत.
पंढरपूर लाईव्ह च्या माध्यमातून शिवभक्तांनी शिवजन्मोत्सवानिमित्त दिलेल्या शिव शुभेच्छा...
0 Comments