बलात्कारीत पीडीत महिलेने केली 100 कोटीच्या नुकसान भरपाई ची मागणी..

पंढरपूर लाईव्ह नवी दिल्ली

दिल्लीतील उबेर टॅक्सी बलात्कार प्रकरणातील पीडित महिलेने कंपनीविरोधात कोर्टात खटला दाखल केला आहे. अडीच लाख कोटींची मालकी असलेल्या उबेर कंपनीकडे पीडितेने नुकसान भरपाई म्हणून कोट्यवधी रुपयांची मागणी केली आहे. पीडित महिलेचा खटला लढवत असलेल्या अमेरिकन वकीलाने ही माहिती दिली. पीडित महिलेचा खटला न्यूयॉर्कमधील लॉ फर्म विगडर एलएलएपी लढवते आहे. दिल्लीत गेल्या ६ डिसेंबरला पीडित महिलेवर उबेर टॅक्सीत चालकाने बलात्कार केल्याचा आरोप आहे.

'उबेर टॅक्सी चालकांच्या लैंगिक हिंसेला आणखी कोणी बळी बडू नये', हा या खटल्या मागील पीडितेचा हेतू आहे. आणि पीडितेला नुकसान भरपाईही मिळाली पाहिजे, ज्याला कंपनी जबाबदार आहे', असं लॉ फर्ममधील पार्टनर डग्लस एच विगडर यांनी इ मेलमधून सांगितलं. 'पीडित महिलेने कंपनीकडे १०० कोटींची नुकसान भरपाई मागितली आहे', अशी माहिती याप्रकरणाच्या तीन जाणाकरांनी इकॉनॉमिक टाइम्सला दिलीय. पण विगडर यांनी नुकसान भरपाईची रक्कम इ मेलमधून उघड केलेली नाही. तसंच उबेर कंपनीने याप्रकरणावर प्रतक्रिया देण्यास नकार दिला आहे.
बलात्काराच्या घटनेनंतर उबेर कंपनीने लगेचच पीडितेला सर्वप्रकारची आर्थिक मदत देण्याची तयारी दर्शवली होती. पण बलात्कार पीडितेने नुकसान भरपाईची केलेली १०० कोटींची मागणी मान्य करण्यास कंपनी तयार होणार नाही, असं एका सूत्राने सांगितलं. पीडितेने केलेला दावा मिळवण्यासाठी अधिकार क्षेत्राचाही अडथळा येऊ शकतो, अशी माहिती इकॉनॉमिक टाइम्सला चार वकिलांनी दिली. विगडरने आयएमएफचे प्रमुख डॉमिनिक स्ट्रॉस कान यांच्याविरोधात खटला लढवला होता. याप्रकरणी कोर्टा बाहेर समझोता झाला होता. आणि त्यात ६० लाख डॉलरची नुकसान भरपाई मिळाल्याचं सांगण्यात येतंय. 

********

 

आपल्या बातम्या लेख/साहित्य - माहिती व जाहिराती प्रसिध्दीस द्यावयाची असल्यास अवश्य संपर्क साधावा...

मोबा. नं.  8055434499  /  8308838111   

ई-मेल:-  jhanjavat@gmail.com  livepandharpur@gmail.com

  आपणास कळविण्यास आनंद वाटतो की, ‘पंढरपूर लाईव्ह’ या अ‍ॅन्ड्रॉईड अ‍ॅप चे जगाच्या कानाकोपर्‍यात असणार्‍या तमाम मराठी नेटीझन्सकडून उत्स्फुर्तपणे स्वागत होत आहे.      दि.6 मार्च  2015 रोजी ‘पंढरपूर लाईव्ह’ च्या ई-न्यूज वेब पोर्टल ची वाचक संख्या   70 हजार 076 च्या घरात पोहचलेली आहे. तर अ‍ॅन्ड्रॉईड अ‍ॅप आपल्या मोबाईलमध्ये घेणार्‍या मोबाईलधारकांची संख्या 6 हजार 026 च्या घरात गेलेली आहे. दिवसेंदिवस ‘पंढरपूर लाईव्ह’ ची लोकप्रियता वाढत असून यामुळे लाईव्ह च्या टीमची जबाबदारीही तेवढीच वाढलेली आहे. अधिकात अधिक दररोजचे अपडेट या न्यूज पोर्टलवर देण्याचा आमचा प्रयत्न आहे.

पंढरपूर लाईव्ह च्या माध्यमातून शिवभक्तांनी शिवजन्मोत्सवानिमित्त दिलेल्या शिव शुभेच्छा...