बारामती बँकेच्या सभासदांपैकी 12977 सभासदांपैकी 1400 कर्जदार थकबाकीदार कोण हे पाहूनच सभासदांनी मतदान करावे-डॉ. विजयकुमार भिसे

Pandharpur Live News March 01, 2015

पंढरपूर लाईव्ह

बारामती दि. 1 एप्रिल 2015

बारामती सहकारी बँकेचे एकूण 12977 सभासद असुन त्यापैकी थकबाकीदार सभासद 1400 च्या वर असल्याने सहकार कायद्याप्रमाणे मतदानास थकबाकीदार सभासद अपात्र आहेत. मतदानास पात्र 11548 सभासद आहेत. जवळपास एकूण सभासदांच्या 12 टक्के सभासद हे थकबाकीदार आहेत. थकबाकीदारांच्या यादीत कोण लोक आहेत त्यांची संख्या जास्त असल्याने संचालक मंडळाने वसुली अधिकार्‍यांना वसुली करण्यासाठी पाठिंबा दिला नसल्याचे स्पष्ट होत आहे. त्यामुळे कर्जदारांची संचालक मंडळाने वसुली कारवाई करण्यास असमर्थ ठरले का? असा प्रश्‍न निर्माण होतो. 1400 थकबाकीदारांची रक्कम किती आहे हे मात्र अजून स्पष्ट झालेले नाही त्यामुळे सभासदांनी मतदानापूर्वी विचार करुन मतदान करावे असे आवाहन उमेदवार डॉ. विजयकुमार रामचंद्र भिसे यांनी एका प्रसिध्दीपत्रकाद्वारे केले आहे.

दि. बारामती सहकारी बँक मर्यादित बारामती ची संचालक मंडळाची निवडणुक 2015-20 जाहीर झाली असुन या निवडणुकीत माजी उपमुख्यमंत्री तथा आमदार अजित पवार यांनी निवडणुक बिनविरोध करण्यासाठी इच्छूक व पात्र उमेदवारांकडून उमेदवारी अर्ज मागे घेण्यासाठी मुलाखतीच्या नावाखाली सह्या घेतल्या व उमेदवारी अर्ज मागे घेण्यासाठी उमेदवारांचे प्रतिनिधी नेमण्यासाठीही सह्या घेतल्या, उमेदवारी अर्ज मागे घेण्याच्या दिवशी उमेदवारांना माहिती न होता गुपचुपपणे उमेदवारी अर्ज मागे घेतले. कोणत्याही इच्छऐज उमेदवाराला आपला प्रतिनिधी कोण हे कळु दिले नाही. त्यासाठी अत्यंत गुप्तता पाळण्यात आली होती. निवडणुक बिनविरोध करण्याचा प्रयत्न केला परंतू अजित पवार यांना बारामती बँकेची निवडणुक बिनविरोध करण्यात अपयश आले. बारामती बँकेसारख्या आर्थिक संस्थेत लोकशाही पध्दतीने निवडणुक झालीच पाहिजे असे सभासद म्हणून माझे मत आहे असे श्री. भिसे यांनी प्रसिध्दीस दिलेल्या पत्रकात नमुद केले आहे.

बारामती सहकारी बँकेचे एकुण 12977 सभासद असून थकबाकीदार सभासद हेे सहकार कायद्यान्वये मतदानास अपात्र आहेत. असे 1429 सभासद आहेत. मतदानास पात्र 11548 सभासद आहेत. बारामती बँकेचे कार्यक्षेत्र राज्य असले तरी चार जिल्ह्यात 23 च्या वर शाखा असल्याची माहितीही श्री. भिसे यांनी या पत्रकान्वये दिली आहे.