पंढरपूर लाईव्ह
महाराष्ट्राची दक्षिण काशी व वारकर्यांचे आराध्य दैवत श्री विठ्ठलाची नव्यानेच सुरु झालेली नित्यपूजा सेवा आरंभ पंढरपुरातील विठ्ठलभक्त प्रा. अशोक डोळ व परिवाराच्यावतीने करण्यात आला. यावेळी मंदिर समितीचे सदस्य प्रा.जयंत भंडारे, व्यवस्थापक विलास महाजन, हणमंत ताठे उपस्थित होती.
आपल्या लाडक्या देवची पूजा व सेवा आपल्या हातून व्हावी अशी मनिषा प्रत्येक भक्ताची असे. म्हणून तो आपल्या आराध्य देवतीचे विविध प्रकारची पूजा व सेवा करीत असतो. अशीच श्री विठ्ठलाची पाद्यपुजा, तुळशी पुजा व महापुजा केली जाते. पण महापुजेवेळी वापरण्यात येणारे दही-दूध, अभिषेकाने होणारी मुर्तीची झीज रोखण्यासाठी तज्ञांच्या सल्ल्यानुसार श्री विठ्ठलाची महापुजा बंद करण्यात आली. त्यामुळे भाविकांना होणारा आनंद गोठला होता. पुजासेवेचा आनंद भाविकांना मिळावा या उदात्त हेतूने अध्यक्ष अण्णासाहेब डांगे व सदस्यांनी मंदिर समितीच्या बैठकीत नव्याने निर्णय घेवून काही नियम व अटीवर नित्यपुजा सेवेत केशरपानी अभिषेकास परवानगी दिली. त्यामुळे विठ्ठलभक्तांमध्ये आनंदाचे वातावरण निर्माण झाले आहे.सदर नित्यपूजा पूर्वी संबंधीत पुजारी, बडवे व सेवाधार्यांमार्ङ्गत होत असे. जानेवारी 2014 च्या सर्वोच्च न्यायालयाच्या निर्णयानंतर मंदिर समितीने प्राप्त झालेल्या नियमांच्या आधिन राहून नित्यपूजेसाठी नव्याने पुजारी, सेवाधारी नियुक्त केले. पण यातून पुजेचा आनंद विठ्ठलभक्तांना मिळणार नव्हता. तेव्हा या नव्या निर्णयानुसार भाविकास नित्यपूजेत केशरपानी असल्याने भाविकांना पूजेचा आनंद घेता येणार आहे. या नित्यपुजा सेवेचा आरंभ विठ्ठलभक्त प्रा. अशोक डोळ यांच्या परिवाराच्यावतीने करण्यात आली. मंदिर परिसरात असल्याने पहाटे काकडा आरती, नित्यपूजा याचा बालपणापासनच छंद होता. श्री विठ्ठलाची नित्यपूजा करण्याचा मान आपणास मिळाला असल्याचे प्रा.डोळ यांनी सांगितले.
*****************
.jpg)
0 Comments