पंढरपूरचे सामाजिक कार्यकर्ते गणेश सिंघण मित्रपरिवाराकडून ‘नाम’ फाऊंडेशन साठी पाच हजार एक रु. ची मदत.... दुष्काळग्रस्तांच्या मदतीसाठी अभिनेते नाना पाटेकर व मकरंद अनासपुरे यांच्या कार्यात उचलला खारीचा वाटा....

पंढरपूर लाईव्ह वृत्त:- 

‘नाम फाऊंडेशन’ या दुष्काळग्रस्तांसाठी भरीव कार्य करणार्‍या सिनेअभिनेते नाना पाटेकर व मकरंद अनासपूरे यांच्या संस्थेला पंढरपूरचे सामाजिक कार्यकर्ते, खादी ग्रामोद्योग चे संचालक गणेश सिंघण व मित्रपरिवार नागालँड चौक यांचे वतीने पाच हजार एक रु. ची मदत करत नाना व मकरंद यांच्या कार्यात आपला खारीचा वाटा उचलण्याचे प्रशंसनीय कार्य केले आहे.

सुप्रसिध्द सिने अभिनेते नाना पाटेकर  व मकरंद अनासपुरे  यांनी दुष्काळग्रस्तांसाठी केलेले कार्य अजोड

असेच आहे. यासाठी त्यांनी ‘नाम’ फाऊंडेशन ची स्थापना केली. या फाऊंडेशनच्या माध्यमातून महाराष्ट्रातील विविध क्षेत्रातील व्यक्तींनी आपापल्या परीने शक्य ती मदत दुष्काळग्रस्तांना करावी असे आवाहनही यांनी केले. त्यांच्या या आवाहनाला महाराष्ट्राच्या कानाकोपर्‍यातून भरघोष यश मिळत आहे. नाम फाऊंडेशन च्या खात्यावर अनेकजण पैसे पाठवुन तर कांहीजण प्रत्यक्ष भेटून मदत करत आहेत. अशीच मदत पंढरपूरच्या  गणेश  सिंघण मित्रपरिवारांनी करुन पंढरपूरकरांसाठी एक आदर्श निर्माण करुन दिला आहे. पंढरीतील विविध सामाजिक संस्था-संघटना व युवकांनी  त्यांच्या या कार्याकडून निश्‍चितच प्रेरणा मिळेल व विठुरायाच्या पंढरीतून ‘नाम’ कडे दुष्काळग्रस्तांच्या जगण्यासाठीच्या लढाईसाठी हातभार लागेल. यात शंका नाही.    
_____________________