श्री विठ्ठल अभियांत्रिकीच्या ३ विद्यार्थ्यांची ‘ स्विफ्ट इन्फोकॉम ’ कंपनीत इंटरव्युवद्वारे निवड

पंढरपूर LIVE 2 Jun 2018

पंढरपूरः- ‘स्विफ्ट इन्फोकॉम’या आंतरराष्ट्रीय दर्जाच्या कंपनीने घेतलेल्या मुलाखतीत श्री विठ्ठल एज्युकेशन अॅण्ड रिसर्च इन्स्टिटयूट संचलित अभियांत्रिकी महाविद्यालयातील ३ विद्यार्थ्यांची कॅम्पस इंटरव्युवद्वारे निवड करण्यात आली असून प्रत्येक वर्षीच्या तुलनेत यंदा निवड होणाऱ्या विद्यार्थ्यांच्या संख्येत आणखी भर पडणार आहे.’ अशी माहिती संस्थेचे संस्थापक सचिव व अभियांत्रिकी महाविद्यालयाचे प्राचार्य डॉ.बी.पी. रोंगे यांनी दिली.

          ‘स्विफ्ट इन्फोकॉम’या आंतरराष्ट्रीय दर्जाच्या कंपनीचे प्रमुख एच आर. मल्लिकार्जुन बोरिगिड्डे, सुविधा पसोरीया व त्यांच्या निवड समितीने घेतलेल्या इंटरव्यूवमध्ये गोपाळपूर येथील इंजिनिअरिंग कॉलेजमधील विद्यार्थ्यांच्या मुलाखती घेतल्या. मुलाखतीतून विद्यार्थ्यांच्या गुणात्मक अभ्यासाबरोबरच कमालीची शिस्त व उत्कृष्ट शिक्षण पध्दती यामुळे निवड समिती अत्यंत प्रभावित झाली. त्यांनी या निवड प्रक्रियेच्या अंतिम फेरीतून इंजिनीअरिंगच्या अंतिम वर्षात शिक्षण घेणारे कॉम्प्यूटर सायन्स अँन्ड इंजिनिअरिंगमधील सीमा पाटील, इलेक्ट्रॉनिक्स अँड टेलीकम्युनिकेशन इंजिनिअरिंगमधील अक्षय डमरे आणि सिव्हील इंजिनिअरिंगमधील राहुल जरे या तीन विद्यार्थ्यांची ‘स्विफ्ट इन्फोकॉम’या कंपनीत निवड झाली. श्री विठ्ठल अभियांत्रिकीमध्ये कॅम्पस प्लेसमेंटचे प्रमाण अधिक तीव्रगतीने वाढत असून दररोज नवनवीन व आंतरराष्ट्रीय कंपन्या स्वेरीत येतात आणि कंपनीसाठी पात्र असे विद्यार्थ्यांची निवड करतात. त्यामुळे विविध आंतरराष्ट्रीय कंपन्यांमध्ये येथील विद्यार्थी स्थिर होवून आपले उत्तम करिअर घडवीत आहेत. कंपनीला कशा प्रकारचे विद्यार्थी हवे असतात? याचा सखोल अभ्यास करून ‘मागणी तसा पुरवठा’या तत्वाप्रमाणे संबधित प्रशिक्षण विद्यार्थ्यांना विशेष प्रशिक्षकांद्वारे दिले जाते. सदर विद्यार्थ्यांना ट्रेनिंग अॅण्ड प्लेसमेंट विभागाचे अधिष्ठाता डॉ.माधव राऊळ व प्रा.एस.व्ही.दर्शने, प्रा.डी.ए.कुंभार आदी प्राध्यापकांचे बहूमोल मार्गदर्शन लाभले आहे. शिक्षण क्षेत्रातील अनेक मानांकनाबरोबरच ‘एन.बी.ए’ आणि ‘नॅक’ असे दुहेरी मानांकन मिळविलेले एकमेव महाविद्यालय आहे. त्यामुळे विद्यार्थ्यांचा कल ‘स्वेरी’कडे कायम राहिला आहे. विद्यार्थ्यांच्या निवडीमुळे शिक्षण पूर्ण होण्यापूर्वीच नोकरीची संधी उपलब्ध झाल्यामुळे विषेशतः पालक वर्गात आनंदाचे वातावरण पसरले आहे. संस्थेचे संस्थापक सचिव व प्राचार्य डॉ.बी.पी. रोंगे, संस्थेचे अध्यक्ष प्रा.सी.बी.नाडगौडा तसेच संस्थेतील विश्वस्त, स्वेरीच्या इतर महाविद्यालयांचे प्राचार्य, विभागप्रमुख प्रा.सौ.व्ही.डी. जाधव, डॉ. अनुप विभूते, डॉ. नवनाथ खडके, इतर अधिष्ठाता, सर्व विभागप्रमुख, प्राध्यापक वर्ग, शिक्षकेतर कर्मचारी यांच्यासह पालकांनी कॅम्पस इंटरव्युवमधून निवड झालेल्या विद्यार्थ्यांचे अभिनंदन केले.  

महाराष्ट्रातील नंबर वन! 

ई-न्युज वेब चॅनल पंढरपूर  LIVE

पंढरीचे पहिले लोकप्रिय ई-न्युज वेब चॅनल 

& Android Application

सर्वात जलद, सर्वात लोकप्रिय! पंढरपूर  LIVE

पंढरपूर Live वर आपल्या व्यवसायाची जाहिरात द्या..अल्पदरात!!

कार्यालय:- बॅडमिंटन हॉल समोर, संत रोहिदास चौक, 

पंढरपूर गोपाळपूर रोड, तालुका क्रीडा कार्यालयासमोर, पंढरपूर

मुख्य संपादक-भगवान गणपतराव वानखेडे 

• Whatsup- 8308838111  Mobile- 7972287368,  8552823399  
• mail-livepandharpur@gmail.com
• web - http://www.pandharpurlive.com